Цахим спортын “CS2” төрлийн “BLAST Bounty”-ийн 2026 оны зуны тэмцээний хаалттай сонгон шалгаруулалт эхэлсэн. Нийт 32 баг онлайнаар оролцож, үүнээс зөвхөн найм нь үндсэн шатанд шалгарах юм.
Монголын “The MongolZ” баг өнөөдөр/2026.07.24/ 19:30 цагаас Шведийн “HEROIC” багийн эсрэг эхний тоглолтоо хийнэ. Энэ тэмцээний гол онцлог нь чансаа доогуур багууд нь өрсөлдөгчөө амлан тоглодог журамтай. Тийм ч учраас “HEROIC” баг “The MongolZ”-ийг амлажээ.
“The MongolZ”-ийн хувьд энэхүү тэмцээн тун онцлогтой. Учир нь тэд бүрэлдэхүүндээ шинэчилж, “cobrazera”-г сэлгээ рүү шилжүүлж, “mzinho”-г “BC.Game” багт зарсан билээ. Тэднийг орлуулж, “tikuak”-ийг “Chinggis Warriors” багаас худалдан авч, “DarkMeister”-ийг академийн багаасаа дэвшүүлсэн юм.
Ийн хоёр шинэ тоглогчтой “The MongolZ” багийн эхний тоглолт “HEROIC” байх болно. Тэд ч бүрэлдэхүүнээ өөрчилж, “Brollan” болон “MartinezSa”-г авчирсан. Гэхдээ “The MongolZ”-той харьцуулахад “HEROIC” шинэ бүрэлдэхүүнээрээ тоглоод үзчихсэн.
Хоёр багийн хожигдсон нь хасагдаж, хожсон нь дараагийн шатанд шалгарна.
Сэтгэгдэл