Үндэсний Статистикийн Хорооноос Монгол Улсын нийгэм, эдийн засгийн эхний найман сарын үзүүлэлтийг танилцууллаа. 2026 оны наймдугаар сард инфляц жилийн 12.5 хувьтай байжээ.
Хүнсний барааны үнийн өсөлт инфляцын 46.9 хувийг бүрдүүлсэн байна. Тодруулбал, хүнсний бараа, ундаа, усны үнэ өмнөх оны мөн үеэс 21.4 хувиар өссөн нь инфляцын өсөлтийн гол хүчин зүйл болсон байна.
Үүнээс гадна согтууруулах ундаа, тамхины үнэ 14.2 хувиар өссөн бөгөөд үүний дараа хувцас, бөс бараа, гутлын үнэ 7.4, орон сууц, ус, цахилгаан, түлшний үнэ 5.4 хувиар өсжээ.
Түүнчлэн гэр ахуйн тавилга, барааны үнэ 8.9, зочид буудал, нийтийн хоол, дотуур байрны үйлчилгээний үнэ 16.4, боловсролын үйлчилгээ 17.4 хувь, эм тариа болон эмнэлгийн үйлчилгээ 7.1 хувиар тус тус өссөн байна.
Жишээлбэл, 2025 онд нэг ширхэг талхны үнэ 3000 төгрөг байсан бол энэ онд 3642 төгрөгт хүрч өссөн байна. Хэрэглээний бараа, үйлчилгээний үнэ өсөлт нь нийт инфляцын түвшинг өдөөжээ.
Сэтгэгдэл