Монголын үндэсний бөхийн холбооноос зохион байгуулдаг “Алтан цом”-ын шинэ улирлын барилдаан 2023 оны арваннэгдүгээр сарын 7-нд эхлэхээр товлогджээ.
Энэ удаагийн тэмцээнд үндэсний шилдэг компаниуд болон аймгийн дэвжээдийг төлөөлсөн нийт долоон баг оролцохоор болсон байна.
Барилдаанд улсын аварга Н.Батсуурь, улсын аварга О.Хангай, улсын арслан Б.Орхонбаяр, улсын арслан Э.Батмагнай зэрэг нэртэй бөхчүүд багийн бүрэлдэхүүнд багтаж оролцоно.
“Алтан цом” нь үндэсний бөхийн шилдэг хүчтэнүүдийг багийн хэлбэрээр өрсөлдүүлж, бөхийн спортын өрсөлдөөн, хөгжилд дэмжлэг үзүүлэх зорилготой тэмцээн юм.
Багуудын барилдаан нь бөх сонирхогчдын анхаарлыг татдаг бөгөөд шилдэг бөхчүүдийн ур чадвар, багийн тактик, өрсөлдөх чадварыг сорьдог онцлогтой юм.
Сэтгэгдэл