Өмгөөлөгч Б.Мэргэн 2024 оны тавдугаар сарын 16-ны өдөр болох сонгуультай холбогдуулан УИХ гишүүд өөрсдийгөө энгийн иргэдээс тусдаа, илүү эрхтэй болгосон хуулийг баталснаа шүүмжилсэн байна. Тэрээр уг хуулиар гишүүд хар тамхи хэрэглэх, танхайрах, гэр бүлийн хүчирхийлэл үйлдэх, жагсаал зохион байгуулах үеэр зэвсэг, хорт бодис, тэсэрч дэлбэрэх бодис ашиглах, гамшиг, халдварт өвчний хорио цээрийн дэглэмийг зөрчих, хүүхдийн тэтгэлгийг өгөхгүй болох, бэлгийн дарамт үзүүлэх, хулгай хийх, хөрөнгө завших, согтуу жолоодох зэрэг зөрчил гаргасан ч зөрчлийн хуулиар хариуцлага тооцох боломжгүй болгосон гэж мэдээлжээ.
Б.Мэргэн өмнө нь Үндсэн хуулийн цэцэд уг хуулийн эсрэг мэдээлэл гаргах шаардлагатай хэмээн байр сууриа илэрхийлсэн бөгөөд сүүлийн үед өмгөөлөгчид уг асуудлаар Цэцэд хандсаны үр дүнд өнөөдрийн дунд суудлын хуралдаанаар тус хуулийн Үндсэн хуультай зөрчилдсөн заалтыг хүчингүй болгожээ. Хэрвээ УИХ Цэцийн дүгнэлтийг хүлээж авбал, хууль батлагдсан заалт хүчин төгөлдөр бус болох юм.
Өнөөгийн УИХ-ын гишүүд тухайн хуульд харьцангуй зохицуулалтыг зөвшөөрсөн байдалтай байгаа бөгөөд энэ нь гишүүдийг хариуцлагаас чөлөөлөх асуудлыг дагуулж байгаа гэж Б.Мэргэн онцолжээ.
Мөн гишүүд гэмт хэрэг үйлдэх тохиолдолд шүүхийн үйл ажиллагаанд саад болох, шүүхээр ялыг шийдүүлэхэд оролцохгүй байх нөхцөл байдал үүсэж байгаа тул УИХ-ын бүрэн эрхийг түдгэлзүүлэх асуудлыг Улсын ерөнхий прокурор дэвшүүлж, УИХ шийдвэрлэх ёстой гэдгийг тодотгожээ. Хэрвээ бүрэн эрх түдгэлзүүлэхгүй бол шүүхэд иргэний тэгш эрхийн зарчмаар үйл ажиллагаа явуулахад саад болно гэдгийг онцолжээ.
Цаашлаад, төсөл хэлэлцэгдэж буй Цэцийн хуулиуд батлагдвал, иргэдийн мэдээлэл авах эрх хязгаарлагдаж болзошгүйг тэрээр дурдсан байна.
Сэтгэгдэл