Авлигын гэмт хэрэгт холбогдсон 402 хүнд холбогдох 204 хэргийг яллах дүгнэлт үйлдэж шүүхэд шилжүүлжээ

Прокурорын байгууллагын 2026 оны 9 дүгээр сарын 4-ний өдрийн байдлаар Эрүүгийн хуулийн 22 дугаар бүлэгт заасан авлигын гэмт хэрэгт яллагдагчаар татагдсан 402 хүнд холбогдох 204 хэрэгт яллах дүгнэлт үйлдэж, шүүхэд шилжүүлжээ.

Тэдгээр хэргүүдийн нэгэн жишээ нь Б.А-ийн хэрэг юм. Тэрбээр эмнэлгийн эрхлэгчээр ажиллахдаа 2021-2025 оны хооронд хэвтэн эмчлүүлж байсан иргэний нийгмийн халамжийн тэтгэврийг өөртөө авсан байна. Ингэснээр Б.А нь нийт 16.7 сая төгрөгийн хохирол учруулж, Эрүүгийн хуулийн 22.1 дүгээр зүйлийн 1 дэх хэсгийн заалтаар яллах дүгнэлт үйлдэн шүүхэд шилжүүлсэн.

Шүүх дээрх хэргийг гэмт хэрэг үйлдсэн гэж үзэн, Б.А-д нийтийн албанд ажиллах эрхийг гурван жилээр хасаж, хоёр жилийн хугацаагаар зорчих эрхийг хязгаарлах ял оногдуулсан байна.