ХХОАТ-ын нэмэлт өөрчлөлтөөр анх удаа амьдран суусан орон сууцыг хоёр хувийн татвараас чөлөөлнө

Олон нийтийн цахим сүлжээгээр “Үл хөдлөх хөрөнгө борлуулсны хоёр хувийн татвар бүрмөсөн хүчингүй болсон” гэх ташаа мэдээлэл тархаж, иргэдэд төөрөгдөл үүсгээд байна. Гэтэл Улсын Их Хурлаас баталсан Хувь хүний орлогын албан татварын тухай хуулийн нэмэлт өөрчлөлтөөр энэ татварыг бүрэн цуцлаагүй бөгөөд зөвхөн хэсэгчилсэн чөлөөлөлт үзүүлэх зохицуулалт орсон нь тодорхой байна.

Шинэ хуулийн дагуу зөвхөн “иргэний анх удаа өмчилж, амьдран суусан орон сууцыг” борлуулсан тохиолдолд двух хувийн татвараас чөлөөлөх зохицуулалт тусгайлан заасан байна. Энэ нь тухайн иргэн өөрийн амьдрах зориулалтаар анх удаа худалдан авч өмчилсөн орон сууцныхаа эргүүлэн худалдах тохиолдолд татвараас чөлөө авна гэсэн үг юм.

Харин хоёр дахь болон түүнээс дээш тооны орон сууц, хаус, үйлдвэр үйлчилгээ, оффисын талбай, арилжааны зориулалттай барилга байгууламж болон газар борлуулах үед хоёр хувийн татварыг хуульд заасны дагуу хэвээр ногдуулж, төлүүлэхээр заасан ажээ.