Хятадын зургаан настай охин Лян Юньжи 3x3x3 Рубикийн шоог эвлүүлэх эмэгтэйчүүдийн дэлхийн дундаж хугацааны рекордыг гурван хоногийн дотор хоёр удаа шинэчилсэн байна.
Тэрээр 2023 оны есдүгээр сарын 12-нд Ухань хотод болсон Дэлхийн Рубик шооны холбоо буюу World Cube Association (WCA)-ийн албан ёсны тэмцээний үеэр таван удаагийн эвлүүлэлтийн дунджаар 4.52 секунд зарцуулж, эмэгтэйчүүдийн дэлхийн шинэ рекорд тогтоолоо. Түүний таван оролдлогын албан ёсны хугацаа 4.50, 4.74, 3.54, 5.47, 4.33 секунд байжээ.
Лян Юньжи эмэгтэй Rubik-ийн шоог эвлүүлэхэд 4.5 секундээс бага дундаж хугацаа үзүүлсэн анхны тамирчин болсон байна.
Дараа нь есдүгээр сарын 14-нд Гуанжөү хотод болсон дараагийн WCA-ийн тэмцээнд тэр өмнөх рекордыг дахин шинэчилж, 4.27 секундын дундаж үзүүлэлтээр тогтоолоо. Ингэснээр гурван хоногийн хугацаанд хоёр удаа эмэгтэйчүүдийн дэлхийн дээд амжилтыг шинэчлэх амжилт үзүүлсэн байна.
Зургаан настай хэдий ч Лян Рубикийн шоог эвлүүлэх 1,300 гаруй алгоритм эзэмшсэн бөгөөд сүүлийн нэг жилийн хугацаанд өдөрт дунджаар хоёр-гурав цагийн бэлтгэл хийсэн гэжээ. Түүний ээжийн мэдээлснээр тогтмол бэлтгэл нь охины төвлөрөл, ой тогтоолт, логик сэтгэлгээ болон орон зайн баримжаанд эерэг нөлөө үзүүлсэн байна.
Эх сурвалж: BBC
Сэтгэгдэл