Улсын Их Хурлын 2026 оны 7 дугаар сарын 2-ны өдрийн нэгдсэн чуулганы хуралдаанаар Нийгмийн даатгалын ерөнхий хуулийн нэмэлт, өөрчлөлтийг баталлаа.
Энэхүү нэмэлт өөрчлөлтөөр даатгуулагчид тэтгэврийн даатгалын шимтгэлийн нэг хувийг өөрийн хүсэлтээр хуримтлуулах боломжтой болж байна.
Даатгуулагчид энэ хуримтлалаа өөрийн тэтгэврийн мөнгөн хуримтлал үүсгэх зорилгоор сайн дурын үндсэн дээр хийх ба улсын төсвөөс хуримтлуулсан мөнгөний 50 хувиар тэнцэх урамшууллыг 120 сар хүртэл олгоно.
Хуримтлуулсан хөрөнгийг арилжааны банканд нээсэн төвлөрсөн дансанд байршуулж, түүний тодорхой хэсгийг Нийгмийн даатгалын ерөнхий хуульд заасан санхүүгийн хэрэгслүүдэд мэргэжлийн хөрөнгө оруулалтын менежментийн компаниуд удирдан арвижуулна.
Илүү олон жил хуримтлуулсан даатгуулагч илүү өндөр өгөөж хүртэх боломжтой юм.
Даатгуулагчид тэтгэврийн мөнгөн хуримтлалын хуримтлалаа цахимаар болон биечлэн өгөх боломжтой.
Даатгуулагч нас барсан тохиолдолд түүний хуримтлуулсан үлдэгдэл хөрөнгийг хууль ёсны өв залгамжлагчид өвлүүлнэ.
Энэхүү хуулийн зохицуулалт 2027 оны 1 дүгээр сарын 1-нээс хэрэгжиж эхлэх юм.
Сэтгэгдэл