Монгол Улсын гадаад валютын нөөц 2026 онд 20 хувиар өсөж 8.4 тэрбумд хүрлээ
Монгол Улсын гадаад валютын нөөц 2026 оны наймдугаар сард анх удаа 8.4 тэрбум ам.долларт хүрсэн талаар Монголбанк мэдээллээ. Валютын нөөц өмнөх сараас 5.15 хувиар, оны эхнээс 19.52 хувиар өссөн бол жилийн дүнгээр 47.3 хувийн өсөлттэй байна.
2025 оны арван хоёрдугаар сард валютын нөөц анх удаа 7 тэрбум ам.долларыг давснаас хойш эхний хоёр сард бага зэрэг буурсан ч гуравдугаар сараас эхлэн өсөлттэй үргэлжилж байна.
Валютын нөөцийг нэмэгдүүлэхэд алт худалдан авалт нэмэгдэж, дотоодын арилжааны банк орон гадаад эх үүсвэр татаж, гол эрдэс бүтээгдэхүүний экспортын орлого өссөн нь гол нөлөө үзүүлжээ. Төв банк наймдугаар сард 3058 кг үнэт металл худалдан авч, оны эхнээс нийт худалдаж авсан алтны хэмжээ 11.9 тонн болж өмнөх оны мөн үеэс 54.4 хувиар өссөн байна.
Гадаад валютын нөөц нь валютын төлбөртэй барааны импортын ойролцоогоор найман сарын, бараа болон үйлчилгээний импортын зургаан сарын хэрэгцээг хангахуйц түвшинд байгаа юм.