ОХУ-ын Чита хотод зохион байгуулагдсан Олон улсын хүүхдийн XII наадмын чөлөөт бөхийн тэмцээнд Сэлэнгэ аймгийн Спортын сургуулийн 10а ангийн сурагч Э.Мөнгөнсолонго 39 кг-ын жинд барилдаж, алтан медаль хүртэв.
Олон улсын хүүхдийн наадам нь өсвөрийн насныхан ур чадвар, туршлагаа олон улсын түвшинд сорих, бусад орны үе тэнгийн тамирчидтай өрсөлдөх боломж олгодог тэмцээн юм. Энэ удаагийн наадамд Монголын өсвөрийн тамирчид спортын хэд хэдэн төрөлд оролцож байна.
Э.Мөнгөнсолонгын бэлтгэл сургуулилалтыг багш Б.Ууганбаяр удирддаг бөгөөд хамтын хөдөлмөрийн үр дүнд олон улсын тэмцээнээс амжилттай медаль хүртлээ.
Тэрбээр цаашид дотоодын болон олон улсын тэмцээнүүдэд оролцож, ур чадвараа ахиулан бэлтгэл сургуулилалтаа үргэлжлүүлэхээр төлөвлөж байна.
Сэтгэгдэл