Тээвэрчдийн гэр бүл, гэргий нарын холбоо өнөөдөр уул уурхай, тээврийн бусад туслах үйл ажиллагаанд улс төрчид болон нөлөө бүхий хүмүүсийн хамаарал бүхий компаниуд өндөр зээлтэй иргэдийн хөдөлмөрийг ашиглаж байгаа асуудлаар хэвлэлийн хурал зохион байгууллаа.
Холбооноос мэдээлснээр, тээврийн салбарт 110,000 гаруй иргэн хүнд даацын тээврийн хэрэгсэл зээлээр аван ажиллаж байна. Гэвч тэднийг тээвэрт оролцуулахын тулд төрөөс татаас авдаг ашиг хонжоо хайсан компаниуд үүссэн тул төрийн хяналт шаардлагатай гэж үзэж байна.
Тээвэрчдийн гишүүн н.Жавзансүрэнгийн хэлснээр, Тавантолгой, Гашуунсухайт, Шивээхүрэн, Ханги, Бичигт зэрэг нүүрс тээврийн 500 орчим компани ажиллаж, 25,000 орчим шланз байдаг бөгөөд үүний 40 гаруй хувь нь жирийн иргэдийн эзэмшил юм. Иргэд өндөр хүүтэй зээл авч ажилд орсон ч, татаас авдаг тээврийн компаниудийн дамжуулан ашиглаж байна. Тэдний дунд тээврийн шаардлага хангаагүй олон компани, улс төрийн нөлөө бүхий танил талтай хүмүүсийн нэр дээр бүртгэлтэй “цүнхний” компаниуд байдаг.
Энэ бизнесийн салбарт танил талгүй иргэдийн машиныг бүртгэн, тонн километр тутамд төлбөр авдаг схем түгээмэл байна. Улс хоорондын зөвшөөрөл авах эрхтэй, тээврийн шаардлага хангасан баримт бичигтэй танил талтай хүмүүс буюу улс төрчдийн нөлөө бүхий хүмүүсийн компаниуд нүүрс тээврийн эрхийг барьж байгаа тухай мэдээлэв.
Гашуунсухайт чиглэлд нэг рейсийн орлого дунджаар 4,488,000 төгрөгтэй ажиллаж байгаа ч, жолоочийн цалин, шатахуун, бусад зардлыг хасвал зундаа 400,000-500,000 төгрөг, өвөлдөө 700,000-800,000 төгрөгийн алдагдалд орж байгаа талаар дурдсан.
Мөн шинээр ашиглалтад орох хос замын татвар нь 1,899,000 төгрөг байх бөгөөд энэ нь иргэдийн амьдралд нэмэлт дарамт учруулж байна.
Тээвэрчдийн холбооноос Зам, тээврийн яам, Автотээврийн Үндэсний төв зэрэг байгууллагуудад хандаж, зөвшөөрөл олгох үйл явцад хяналт нэмэгдүүлэх хэрэгтэй гэдгийг онцолжээ.
Ерөнхий сайд Н.Учрал сайдад хандан нүүрс тээврийн ажлын нөхцөл байдлыг анхааралдаа авахыг хүсч, экспортын гол бүтээгдэхүүн нүүрсийг тээвэрлэж буй жолооч нар болон тэдний гэр бүлийн амьдрал чухал болохыг онцолсон байна.
Мөн Монголбанкнаас ирүүлсэн албан мэдээллээр, 2025 оны зургаадугаар сарын 31-ний байдлаар хүнд даацын тээврийн хэрэгсэл авах зорилгоор олгосон 560.4 тэрбум төгрөгийн зээлийн 90 гаруй хувь нь тээврийн салбарт ашиглагддаг бөгөөд нэг хэрэгсэл дунджаар 360 сая төгрөгийн үнэтэй байна.
Холбоо нь төрөөс хувь машинтай иргэдийг ажлын хөлсөө гэр бүлдээ зарцуулах боломж бүрдэхийн тулд дэмжлэг үзүүлэхийг шаардаж байгааг мөн илэрхийллээ.
Иргэдийн хүнд нөхцөл байдлыг шийдвэрлэхгүй бол тээвэрчид болон тэдний гэр бүл дунд үүсээд буй асуудал нэмэгдэж, тэмцэл гарах эрсдэлтэй гэдгийг анхаарууллаа.
Сэтгэгдэл