Шатахууны шуурхай штабаас цаг үеийн нөхцөл байдлын талаарх мэдээлэл хийв. “Аргал Ойл” ХХК-ийн гүйцэтгэх захирал Д.Сансартуяагийн мэдээлснээр, тус компани БНСУ-аас 10-12 мянган тонн АИ-92 бензин импортлохоор гэрээ байгуулсан бөгөөд энэ сарын дундаас нийлүүлж эхлэхээр төлөвлөж байна.
Тэрбээр шатахууныг усан онгоцоор тээвэрлэн БНХАУ-ын Цинхуандао боомтод хүргэж, төмөр замаар Замын-Үүдийн боомтод дамжуулан Монгол Улсад оруулж ирнэ гэдгийг онцлов.
Импортолсон шатахууныг “Аргал Ойл” ХХК-ийн салбар болон хамтран ажиллаж буй “Магнай Трейд” ХХК-ийн төв, баруун аймгууд дахь салбаруудаар түгээх юм.
Үнийн талаар мэдээлэхэд, БНХАУ-аас импортолсон АИ-92 бензиний литр тутмын үнэ 5,600 төгрөг, ОХУ-аас импортолсон үнэ 4,900 төгрөг байгаа бол БНСУ-аас авах бензиний үнэ эдгээрийн дунджаар буюу литр нь 4,900 төгрөгөөс дээш боловч 5,600 төгрөгөөс хэтрэхгүй байх төлөвтэй гэж мэдэгдэв.
Сэтгэгдэл