Ховд аймгийн Эрдэнэбүрэн сумын Баянгол багийн “Тагийн-Орой” орчимд энэ сарын 13-наас эхлэн 50-70 см зузаан цас орж, зам даваа хаагдсаны улмаас ууланд өвөлжиж байсан хоёр айл цасанд боогдсон байна. Үүний дагуу энэ сарын 15-ны 11:20 цагт Онцгой байдлын газарт дуудлага иржээ.
Ховд аймгийн Онцгой байдлын газрын Аврах ангийн алба хаагчид, Мэргэжлийн ангийн ажилтнууд болон ар гэрийнхэн хамтран малчин Г (55 настай эрэгтэй), О (55 настай эмэгтэй), Б (31 настай эрэгтэй) нарыг 1400 бог малтай нь энэ сарын 16-ны 10:09 цагт уулнаас амжилттай буулгасан байна.
Мөн малчин Б (34 настай эрэгтэй), Б (32 настай эмэгтэй) болон 16 хоногтой бяцхан хүүхдийг 700 бог малтай нь 12:00 цагт тус тус уулнаас буулгажээ.


Сэтгэгдэл