УИХ-ын чуулганы нэгдсэн хуралдаанаар хурдан морины уралдаан болон уралдаанч хүүхдийн аюулгүй байдалтай холбоотой хуулийн төслийг хэлэлцэхээр төлөвлөсөн мэтгэлцээн няцаагч талын оролцоогүйгээс цуцлагдсан талаар УИХ-ын гишүүн Х.Баасанжаргал 2026 оны 11 дүгээр сарын 19-нд мэдээлэл хийлээ.
Мэтгэлцээнд нотлогч ба няцаагч тал тус бүр таван минутын хугацаатай өөрсдийн байр сууриа илэрхийлэх байсан бөгөөд хөндлөнгийн хөтлөгчийг сонгох оролдлого хийсэн ч няцаагч талын төлөөлөл оролцоогүй юм.
Х.Баасанжаргал УИХ-ын хяналт шалгалтын бүрэн эрхийн хүрээнд гэмт хэрэг, зөрчлийн улмаас хохирсон хүүхдүүдийн асуудлыг шалгах ажлын хэсэг байгуулагдсан, мөн Хүүхэд, гэр бүлийн шүүх байгуулах хуулийг батлуулж, шүүх арваннэгдүгээр сарын 1-нээс үйл ажиллагаагаа эхлэхэд бэлтгэж байгааг онцлов.
Тэрбээр улс төрчдийн тодорхой хэрэг, маргаанд байр суурь илэрхийлэх нь улс төрийн нөлөөллийн асуудал үүсгэдэг болохыг дурьдаж, уг асуудлыг шинээр зохицуулах шаардлагатайг тодотгосон.
Иргэний нийгмийн байгууллагуудын төлөөлөл хурдан морины уралдаан зохион байгуулахтай холбоотой шүүхийн шийдвэрүүд болон Засгийн газрын үүргүүдийн талаар мэдээлж, хүүхэд хамгааллын зохицуулалтыг бэхжүүлэх шаардлага байгааг тэмдэглэв.
Сүүлийн таван жилд хурдан морины уралдааны үеэр 1,024 хүүхэд мориноос унаж, 22 хүүхэд амь насаа алдсан тоон мэдээллийг мөн онцолжээ.


Сэтгэгдэл