Ирантай хийх хэлэлцээний хүлээлтээр алтны үнэ өсөв
АНУ-ын Ерөнхийлөгч Дональд Трамп Ирантай хийх шинэ хэлэлцээ даваа гарагт эхлэх гэж байгааг мэдээлснээр алтны спот үнэ 0.6 хувиар өсөж, унц нь 4070 ам.долларт хүрэв. Энэ нь олон сар үргэлжилсэн мөргөлдөөнийг шийдвэрлэх чиглэлд ахиц гарах, инфляцын дарамт буурах хүлээлтийг бий болгосонтой холбоотой юм.
Ойрх Дорнодын дайн эхэлснээс хойш алтны ханш 20 гаруй хувиар сулраад байгаа ч сүүлийн үед үнийн өсөлт ажиглагдаж байна.
Түүнчлэн криптовалютын томоохон компаниудын нэг “Tether” II улиралд 14 тонн алт худалдан авсан бөгөөд энэ нь тус компанийн алтны нийт нөөцийг 146 тонн болгож, үнийн дүн 18.8 тэрбум ам.долларт хүрсэн байна.
Мөн Хонконгийн Статистикийн товчооны мэдээлснээр, зургаадугаар сард Хонконг алтны импортын хэмжээгээр 2014 оноос хойших дээд түвшинд хүрчээ. Энэ нь үнэт металлын арилжааны зангилаа төв болох зорилготой үйл ажиллагааны нэг хэсэг юм.