Боловсролын сайд дүрэмт хувцасны худалдаанд хүчээр шахахыг хориглов

2026-2027 оны хичээлийн шинэ жил эхлэхэд арав гаруй хоног үлдсэнтэй холбогдуулан сурагчдын дүрэмт хувцасны худалдаа эхэлжээ. Боловсролын сайд Л.Энх-Амгалан энэ талаар мэдэгдэл хийж, аливаа аймаг, дүүрэг, төрийн өмчийн сургууль нь шинэ загварын дүрэмт хувцас гарсан тул эцэг эх, асран хамгаалагчдад худалдаж авахыг хүчээр шахах асуудал гарч болохгүйг анхаарууллаа. Тэрээр салбарын сайдын хувьд ийм үйлдэлд хатуу хяналт тавихыг мэдэгдэв.