Дамжингийн Отгонбаяр нь олон хүнд том хэмжээний хохирол учруулсны дараа оргон зайлсан хэрэгт холбогдсон бөгөөд 2026 оны есдүгээр сарын 23-ны өдөр ОХУ-аас Алтанбулаг-Хиагтын хилийн боомтоор шилжүүлэн авах ажиллагааг Интерпол, Мөрдөн байцаах албаны хамтарсан баг зохион байгуулжээ.
Түүнийг тухайн өдрийн 20:00 цагийн орчимд Улаанбаатар хотод авчирч, баривчлах тогтоолыг танилцуулаад цагдан хорих 461 дүгээр ангид шилжүүлсэн байна.
Д.Отгонбаяр нь “Хурд” группийн туслан гүйцэтгэгчээр ажиллаж байсан бөгөөд “Тангас”, “Гэрэлт есөн од” зэрэг компанийн захирлаар ажиллаж байжээ. Тэрбээр тус группийн барьсан төслүүдээс байр худалдаалж, иргэдээс олон тэрбум төгрөгийн мөнгө залилсан гэж үзэж байгаа юм.
Тодруулбал, Д.Отгонбаяр нь эхнэр Э.Гэрэлмаагийн хамтран иргэдэд 10 гаруй тэрбум төгрөгийн хохирол учруулсан залилан хийсэн хэрэгт холбогдож байна. Тэрбээр 2014 оноос эхлэн тус группийн туслан гүйцэтгэгчээр ажиллаж эхэлсэн.
Шалгалтын явцад, 2024 оны арваннэгдүгээр сард тэрбээр хэрэг үүссэн үедээ оргон зайлсан бөгөөд олон улсад эрэн сурвалжлагдаж байжээ. Харин 2025 онд ОХУ руу хил зөрчин орж байх үед саатуулагдаж, тус улсад нэг жил гаруй хоригдсон байна.
Түүний эхнэр Э.Гэрэлмаа нь Баянзүрх дүүргийн прокурорын газрын Хяналтын прокуророор ажиллаж байсан бөгөөд залилангийн хэрэгт яллагдагчаар татагдсан бөгөөд түүнд хилийн хориг тавьсан байна.
Сэтгэгдэл