Ирэх оны 1 дүгээр сарын 1-нээс татварын хуульд иргэд болон аж ахуйн нэгжүүдэд ашигтай өөрчлөлтүүд хэрэгжиж эхэлнэ.
Иргэдэд хамаарах гол өөрчлөлтүүдэд анхны орон сууцаа зарах үед үл хөдлөх хөрөнгийн татвараас бүрэн чөлөөлөгдөх зохицуулалт орсон байна. Мөн хөдөлмөрийн хөлсний доод хэмжээнээс бага орлоготой иргэдийн хувьд хувь хүний орлогын албан татварын хөнгөлөлт үзүүлэхээр боллоо. Хувиараа бизнес эрхлэгчдийн хувьд жилийн борлуулалтын орлого нь нэг тэрбум төгрөгөөс бага бол орлогын татварын хувь хэмжээ нэг хувиар тогтоогдож байгаа юм.
Аж ахуйн нэгжүүдэд ч гэсэн өөрчлөлтүүдийг нэвтрүүлж байна. Нэг их наяд төгрөгийн орлогоос НӨАТ төлөгч болдог босгыг 400 сая төгрөг болгон бууруулж, жижиг бизнесийг татварын дарамтаас чөлөөлнө. Татварын өртэй байсан ч дансыг хаах үйлдлийг зогсоож, орлогын 30 хувийг дансанд үлдээх зохицуулалт орж байна. Мөн бичил бизнесүүдэд 1 хувийн татварт хамрагдах орлогын босгыг 1.5 тэрбум төгрөгөөс 2.5 тэрбум төгрөг болгож нэмэгдүүлжээ.
Эдгээр зохицуулалт нь иргэд, аж ахуйн нэгжүүдийн нийтдээ 3.7 их наяд төгрөгийн татварын хөнгөлөлт эдлэх боломжийг бүрдүүлэх юм. Шинэ зохицуулалтууд 2027 оны эхний сарын 1-нээс хүчин төгөлдөр мөрдөгдөж эхэлнэ.
Сэтгэгдэл